पुण्यात तरूणीवर कोसळले झाड

पुणे : पुण्यातील अभिनव चौकाजवळ एक अत्यंत थरारक आणि काळजाचा ठोका चुकवणारी घटना घडली आहे. रस्त्यावरून उभ्या असलेल्या एका तरुणीवर अचानक एक भलंमोठं झाड कोसळलं. मात्र, काळाने घाला घातला तरी वेळ आली नव्हती, याची प्रचिती या घटनेतून आली असून ही तरुणी या भयंकर दुर्घटनेतून सुदैवाने आणि सुखरूप बचावली आहे. तिला कोणतीही गंभीर दुखापत झालेली नाही. या संपूर्ण घटनेचा थरार तिथल्या सीसीटीव्ही कॅमेर्‍यात कैद झाला आहे. तरुणी रस्त्याच्या कडेला उभी असताना अचानक झाड तिच्या अंगावर कोसळले आणि ती त्याखाली दाबली गेली. मात्र उपस्थितांनी तात्काळ तरूणीला सुखरूप बाहेर काढले.