रामानंद तीर्थ मराठवाडा विद्यापीठातून एक धक्कादायक घटनापीएचडी करणारे विद्यार्थी राहुल सोनाळे यांनी केली आत्महत्या

 नांदेडमधील स्वामी रामानंद तीर्थ मराठवाडा विद्यापीठातून एक धक्कादायक घटना समोर आली आहे. विद्यापीठाच्या भाषा संकुल परिसरातील झाडाला गळफास घेऊन सोशल वर्क विषयात पीएचडी करणारे विद्यार्थी राहुल सोनाळे यांनी आत्महत्या केल्याची घटना आज सकाळी उघडकीस आली. सकाळी सुमारे पाच वाजण्याच्या सुमारास गस्तीवर असलेल्या सुरक्षा रक्षकाच्या निदर्शनास हा प्रकार आला.
राहुल सोनाळे हे स्वामी रामानंद तीर्थ मराठवाडा विद्यापीठात सोशल वर्क विषयात पीएचडीचे संशोधक विध्यार्थी होते. त्यांच्या निधनामुळे विद्यापीठ परिसरासह संपूर्ण जिल्ह्यात हळहळ व्यक्त होत आहे. त्यांनी हे टोकाचे पाऊल कोणत्या कारणामुळे उचलले, याचे नेमके कारण अद्याप स्पष्ट झालेले नाही. पोलिसांनी घटनास्थळी धाव घेत पंचनामा करून तपास सुरू केला असून, आत्महत्येमागील कारणाचा शोध घेतला जात आहे.