पुण्यात आठवीतल्या मुलाचा लैगिंक छळ

पुणे : पुण्यात खासगी कोचिंग क्लासमध्ये आठवीतल्या मुलावर लैंगिक अत्याचार झाल्याची घटना उघडकीस आली आहे. कोचिंग क्लासच्या ऑफिस बॉयने मुलाला स्टोअर रूममध्ये नेऊन लैंगिक छळ केल्याचा समोर आले आहे. मार्कट यार्ड परिसरातील या घटनेने परिसरात खळबळ उडाली आहे. पोलिसांनी ऑफिस बॉयला अटक केली असून कडक कारवाईची मागणी केली जात आहे. खासगी कोचिंग क्लासमधील 35 वर्षीय ऑफिस बॉयने हे संतापजनक कृत्य केले आहे. नराधमाने मुलाच्या प्रायव्हेट पार्टचे फोटोही काढले आहेत. पोलिसांनी त्याच्या विरोधात पॉक्सो अंतर्गत गुन्हा दाखल करून अटक केली आहे.