कोळगावात विजेचा धक्का लागून राजस्थानी मजुराचा दुर्दैवी मृत्यूफरशी धुण्याचे काम सुरू असताना घडली दुर्घटना; परिसरात हळहळ

गेवराई तालुक्यातील कोळगाव येथे फरशी धुण्याचे काम सुरू असताना विजेचा जबर धक्का लागून राजस्थानमधील एका मजुराचा दुर्दैवी मृत्यू झाला. हि घटना मंगळवारी 10 वाजण्याच्या सुमारास घडली. या घटनेमुळे परिसरात हळहळ व्यक्त होत आहे. मृत मजुराचे नाव राजेशकुमार बिरबल सैनी (वय 30, रा. राजस्थान) असे आहे.
कोळगाव येथील एका नव्याने बांधण्यात आलेल्या घरात फरशी बसविण्याचे काम सदरील राजस्थानी मजुरांनी घेतले होते. दरम्यान घरातील फरशी काम पूर्ण झाल्यानंतर राजेशकुमार सैनी हे मशीनच्या सहाय्याने फरशी धुवून स्वच्छ करत होते. याचवेळी मशीनमधून किंवा विद्युत पुरवठ्यातील बिघाडामुळे त्यांना विजेचा जोरदार धक्का बसला. घटनास्थळी उपस्थित असलेल्या नागरिकांनी आणि सहकार्‍यांनी तातडीने त्यांना उपचारासाठी शासकीय रुग्णालयात दाखल केले. मात्र, डॉक्टरांनी तपासणी करून त्यांना मृत घोषित केले. या अचानक घडलेल्या दुर्घटनेमुळे कामगारांमध्ये तसेच परिसरातील नागरिकांमध्ये शोककळा पसरली असून, राजेश यांच्या निधनाबद्दल हळहळ व्यक्त केली जात आहे. शवविच्छेदन केल्यानंतर सदरील मजूर तरुणाचे शव नातेवाईकांच्या ताब्यात देण्यात येणार आहे. या प्रकरणी संबंधित पोलीस ठाण्यात आकस्मिक मृत्यूची नोंद करण्यात आली आहे.