रेल्वे स्थानकाचे टीन शेड कोसळले; टीटीईसह २ प्रवासी गंभीर जखमी

लखनऊ : लखनऊमधील चारबाग रेल्वे स्थानकाच्या प्लॅटफॉर्म क्रमांक-५ वरील टीन शेड अचानक कोसळल्याची घटना घडली. या अपघातात एक टीटीई (TTE) आणि २ प्रवासी गंभीर जखमी झाले आहेत. घटनेची माहिती मिळताच आरपीएफ (RPF) कडून तातडीने बचावकार्य सुरू करण्यात आले असून तिन्ही जखमींना उपचारासाठी रुग्णालयात दाखल करण्यात आले आहे.

हा अपघात झाला त्याच वेळी हावडा-डेहराडून एक्सप्रेस (१३०३७) या प्लॅटफॉर्मवर पोहोचली होती, अपघातानंतर या ट्रेनला तातडीने तेथेच थांबवण्यात आले. रेल्वे प्रशासनाच्या वरिष्ठ अधिकाऱ्यांनी तातडीने घटनास्थळी धाव घेत क्रेन पाचारण केली आहे. क्रेनच्या साहाय्याने कोसळलेल्या टीन शेडचा ढिगारा बाजूला काढण्याचे काम युद्धपातळीवर सुरू आहे.