मोफत एचपीव्ही लसीकरण शिबिरास उत्स्फूर्त प्रतिसाद; 27 मुलींना मोफत लस

नांदेड : भारतीय जनता पक्षाचे जिल्हा सरचिटणीस धर्मभूषण अ‍ॅड. दिलीप ठाकूर आणि महिला मोर्चा प्रदेश चिटणीस सुमती व्याहाळकर यांच्या पुढाकारातून आयोजित करण्यात आलेल्या मोफत एचपीव्ही (कझत) लसीकरण शिबिराचे उद्घाटन ज्येष्ठ विधिज्ञ ड. रमेश माने यांच्या हस्ते उत्साहात पार पडले. कार्यक्रमाचे अध्यक्षस्थान डॉ. रमेश नारलावार यांनी भूषविले, तर शीतल खांडील यांची प्रमुख उपस्थिती होती.
मुलींमध्ये होणारा गर्भाशयाचा कर्करोग रोखण्यासाठी राबविण्यात आलेल्या या महत्त्वपूर्ण उपक्रमांतर्गत 27 मुलींना सुमारे 4 हजार 500 किंमतीची लस पूर्णपणे मोफत देण्यात आली. 14 ते 15 वर्षे वयोगटातील मुलींनी या शिबिरात उत्स्फूर्त सहभाग नोंदविला. भाजप नांदेड महानगर, लायन्स क्लब नांदेड सेंट्रल, अमरनाथ यात्रेकरू संघ तसेच मनपा नांदेड यांच्या संयुक्त विद्यमाने शिवशक्तीनगर, नांदेड येथे हे शिबिर आयोजित करण्यात आले होते. या उपक्रमास खा. अशोकराव चव्हाण, खा. डॉ. अजित गोपछडे, प्रदेश उपाध्यक्ष संजय कोडगे व चैतन्य देशमुख, माजी पालकमंत्री डी. पी. सावंत, भाजपा जिल्हाध्यक्ष डॉ. संतुकराव हंबर्डे व ड. किशोर देशमुख, महापौर कविता मुळे, उपमहापौर दीपकसिंह रावत, सभागृह नेते ड. महेश कनकदंडे तसेच लायन्स उपप्रांतपाल योगेश जायस्वाल यांचे मार्गदर्शन लाभले. संयोजक ड. दिलीप ठाकूर यांनी शिबिरामागील उद्दिष्ट स्पष्ट करताना कर्करोग प्रतिबंधाबाबत समाजात जनजागृती होणे ही काळाची गरज असल्याचे सांगितले. यावेळी वैद्यकीय आरोग्य अधिकारी डॉ. हनुमंत रिठे व वैद्यकीय अधिकारी डॉ. रितेशसिंह बिसेन यांनी एचपीव्ही लसीबाबत समाजमाध्यमांवर पसरत असलेल्या गैरसमजुती दूर करण्याचे आवाहन करत मार्गदर्शन केले. कार्यक्रमात बालाजी निलपत्रेवार, अनिल सूर्यवंशी, पुष्पराज राठोड, अशोक साखरे, कालिंदी कहाळेकर, रेखा नगारे, किशनराव पाळवेकर, दमाम, फुलाबाई भोसले, कुसुमताई नागनूरवार, किशोर लोंढे यांचा शिरोपाव व मोत्याची माळ देऊन सत्कार करण्यात आला. तसेच माजी नगरसेविका जयश्री ठाकूर यांच्या हस्ते लस घेतलेल्या मुलींना गुलाब पुष्प देण्यात आले. कार्यक्रमाचे सूत्रसंचालन राजेशसिंह ठाकूर यांनी केले, तर आभार नरसिंह कहाळेकर यांनी मानले. मनपा कर्मचार्‍यांमध्ये शेख फिरोज, रवि धुतमल, शेख सुमैय्या, अनुराधा शिवशेट्टे, अंबिका थोटे, देऊबाई लव्हाळे, अनिता हनमंते, पुष्पा खाडे, जिजाबाई गायकवाड, लता सूर्यवंशी यांनी कर्तव्य बजावत शिबिर यशस्वी करण्यात मोलाची भूमिका बजावली. तसेच दिपकसिंह ठाकूर, संतोष भारती, गजानन कापसे, नारायण पाळवेकर, दिगंबर येडशीकर, राहुल बनसोडे, महादू लुटे यांनी विशेष परिश्रम घेतले. नांदेड शहरात कर्करोग प्रतिबंधासाठी अशा प्रकारचे पहिलेच शिबिर आयोजित केल्याबद्दल अ‍ॅड. दिलीप ठाकूर यांचे सर्व स्तरांतून कौतुक होत आहे.