सासरच्या छळाला कंटाळून विवाहितेची आत्महत्या

पुणे : कात्रज परिसरात सासरच्या सततच्या छळाला कंटाळून एका विवाहित महिलेने टोकाचे पाऊल उचलत आत्महत्या केल्याची धक्कादायक घटना उघडकीस आली आहे. या प्रकरणी भारती विद्यापीठ पोलीस ठाण्यात सासरा व दिराविरुद्ध गुन्हा नोंदविण्यात आला असून पुढील तपास सुरू आहे. पोलीस सूत्रांकडून मिळालेल्या माहितीनुसार, ही घटना 11 एप्रिल रोजी रात्री सुमारे साडेआठच्या सुमारास घडली. संबंधित महिलेने घरातच अंगावर पेट्रोल ओतून स्वतःला पेटवून घेतले. घटनेनंतर तिला गंभीर भाजलेल्या अवस्थेत तातडीने रुग्णालयात दाखल करण्यात आले होते. मात्र उपचार सुरू असतानाच तिचा मृत्यू झाला.