गेवराईच्या नव्या तहसीलदार म्हणून गीतांजली गरड यांनी स्वीकारला पदभार

चकलांबा : गेवराईच्या तहसीलदारपदी गीतांजली गरड यांनी गुरुवारी, दि. 6 ऑगस्ट रोजी पदभार स्वीकारला. शहरात दाखल झालेल्या गजानन महाराज पालखीचे स्वागत करून त्यांनी आपल्या प्रशासकीय कामकाजाला सुरुवात केली. कथित वाळू चोरी प्रकरणात 19 जणांविरुद्ध गुन्हे दाखल झाल्यानंतर तत्कालीन तहसीलदार संदीप खोमणे यांच्यावरही आरोप झाले होते. त्यानंतर ते रजेवर गेले होते. त्यामुळे तहसीलदार पदाचा अतिरिक्त कार्यभार कर्तव्यदक्ष नायब तहसीलदार संजय सोनवणे यांच्याकडे सोपविण्यात आला होता. दरम्यान, छत्रपती संभाजीनगर येथून आलेल्या गीतांजली गरड यांनी गुरुवारी गेवराई तहसीलदार पदाची सूत्रे स्वीकारली. पदभार स्वीकारल्यानंतर त्यांनी प्रशासकीय कामकाजाला सुरुवात केली असून, महसूल विभागाशी संबंधित प्रलंबित प्रश्न आणि नागरिकांच्या अडचणी सोडविण्यास प्राधान्य देण्याची अपेक्षा व्यक्त होत आहे.