नाझिया इलाही खान यांच्या अटकेची मागणी; कारवाई न झाल्यास शुक्रवारी ‘जन आक्रोश मोर्चा’चा इशारा

सोशल मीडियावर धार्मिक भावना दुखावल्याचा आरोप असलेल्या नाझिया इलाही खान यांच्या विरोधात तात्काळ गुन्हा दाखल करून अटक करण्यात यावी, अशी मागणी करण्यात आली आहे. संबंधित प्रकरणात त्वरित कारवाई न झाल्यास येत्या शुक्रवारी जिल्हाधिकारी कार्यालयावर ’जन आक्रोश मोर्चा’ काढण्यात येणार असल्याचा इशारा आयोजकांनी दिला आहे.
आयोजकांच्या म्हणण्यानुसार, यापूर्वीही संबंधित प्रकरणी निवेदने देण्यात आली असून अद्याप अपेक्षित कारवाई झालेली नाही. त्यामुळे प्रशासनाने तातडीने कायदेशीर कारवाई करावी, अन्यथा मोठ्या संख्येने नागरिकांच्या उपस्थितीत जिल्हाधिकारी कार्यालयावर जन आक्रोश मोर्चा काढण्यात येईल, असे त्यांनी स्पष्ट केले आहे. प्रशासनाने कायदा व सुव्यवस्था कायम ठेवत प्रकरणाची निष्पक्ष चौकशी करून नियमानुसार योग्य ती कारवाई करावी, अशी मागणीही करण्यात आली आहे.