अहिल्यानगर : शहरातील पाईपलाईन रोड परिसरातील एका कपड्यांच्या दुकानात घुसून ग्राहकाच्या वेशात आलेल्या दोघांनी व्यापार्याला मारहाण करत 400 रुपयांची
अहिल्यानगर : शहरातील पाईपलाईन रोड परिसरातील एका कपड्यांच्या दुकानात घुसून ग्राहकाच्या वेशात आलेल्या दोघांनी व्यापार्याला मारहाण करत 400 रुपयांची पॅन्ट जबरदस्तीने हिसकावून नेल्याची घटना रविवारी (5 जुलै) रात्री घडली. यानंतर संबंधितांनी दुकान चालवायचे असेल तर दररोज 500 रूपयांचा हप्ता द्यावा, अन्यथा अशीच मुले दुकानात पाठवून रोज कपडे घेऊन जाऊ, अशी धमकी दिल्याप्रकरणी तोफखाना पोलीस ठाण्यात गुन्हा दाखल करण्यात आला आहे. याप्रकरणी आकाश प्रकाश शिंदे (वय 33, रा. तपोवन रोड) यांनी सोमवारी (6 जुलै) फिर्याद दिली आहे. त्यानुसार नितीन मच्छिंद्र शिंदे (रा. वैदुवाडी, अहिल्यानगर) आणि त्याच्यासोबत असलेल्या एका अनोळखी इसमाविरूध्द गुन्हा दाखल करण्यात आला आहे.
COMMENTS