राजमाता जिजाऊ माध्यमिक विद्यालय शेकटा शाळेची दहावी निकालात यशस्वी परंपरा कायम

राजमाता जिजाऊ माध्यमिक विद्यालय, शेकटा येथील इयत्ता दहावीच्या परीक्षेत विद्यार्थ्यांनी उल्लेखनीय यश संपादन करत शाळेची यशस्वी परंपरा कायम राखली आहे. यावर्षी शाळेतून एकूण 42 विद्यार्थी परीक्षेस प्रविष्ट झाले होते. त्यापैकी बहुतेक विद्यार्थी विशेष प्राविण्यासह उत्तीर्ण झाले असून शाळेचा एकूण निकाल 88.08 टक्के लागला आहे.
यामध्ये प्रथम क्रमांक महानोर ज्ञानेश्वरी नवनाथ हिने 80 टक्के गुण मिळवत पटकावला. द्वितीय क्रमांक महानोर सिद्धेश्वर विठ्ठल याने 79.60 टक्के गुणांसह मिळवला. तसेच तृतीय क्रमांक महानोर स्वाती ज्ञानेश्वर आणि विसरे धनश्री यांनी प्रत्येकी 78.60 टक्के गुण मिळवत संयुक्तरीत्या पटकावला. या यशाबद्दल शाळेचे माजी राज्यमंत्री लोकनेते बदामराव आबा पंडित, अध्यक्षा सौ. गिरीकाभाभी बदामराव पंडित, माजी सभापती युधाजीत दादा पंडित, सचिव सौ. अनुरूपा युधाजित पंडित, युवानेते यशराज भैय्या पंडित, प्रशासन अधिकारी प्रमोद देसले सर यांच्यासह मुख्याध्यापक, शिक्षक व शिक्षकेतर कर्मचार्‍यांनी सर्व यशस्वी विद्यार्थ्यांचे अभिनंदन केले.