रात्रीतून उभी राहणारी आंदोलनं… योगायोग की राजकीय रचना?। लोकमंथन News२४

भारतीय राजकारणात योगायोगांवर विश्वास ठेवणाऱ्यांची संख्या दिवसेंदिवस कमी होत चालली आहे. कारण अनेकदा घटना वेगवेगळ्या ठिकाणी घडत असल्या, तरी त्यांची राजकीय दिशा, त्यांचे परिणाम आणि त्यातून निर्माण होणारा सार्वजनिक आशय हा आश्चर्यकारकरित्या एकाच दिशेने वाहताना दिसतो. महाराष्ट्रात अभिजित दिपके यांच्या नेतृत्वाखाली उभे राहिलेले आंदोलन, दुसऱ्या बाजूला खान सर यांच्या संदर्भात सुरू असलेल्या कारवायांची चर्चा आणि तामिळनाडूत के. अण्णामलाई यांच्याभोवती उभारला जाणारा राजकीय पर्याय या तिन्ही घटना वरकरणी वेगळ्या दिसतात. पण त्या एकत्र वाचल्या तर भारतीय राजकारणातील एक मोठा बदल लक्षात येतो.