‘NEET’ पेपरफुटीच्या मुद्द्यावरून आंदोलन की राजकारण? मुख्यमंत्र्यांच्या विधानामुळे राजकीय वर्तुळात खळबळ। लोकमंथन News२४

परीक्षांमधील गोंधळ आणि पेपरफुटीच्या मुद्द्यावरून सध्या दिल्लीतील जंतरमंतरवर आंदोलन सुरू आहे. ‘कॉकरोच जनता पार्टी’च्या नेतृत्वात सुरू असलेल्या या आंदोलनाने आता देशभरातील राजकीय वर्तुळाचं लक्ष वेधून घेतलंय. विरोधकांकडून या आंदोलनाला मोठा पाठिंबा दिला जात असतानाच, आता यावर महाराष्ट्राचे मुख्यमंत्री देवेंद्र फडणवीस यांनी अत्यंत आक्रमक शब्दांत थेट हल्लाबोल केला आहे. “जंतरमंतरवरील हे आंदोलन म्हणजे देशातील सामान्य तरुणांची अभिव्यक्ती नसून, ती केवळ अराजकता पसरवण्याची मानसिकता आहे,” असं थेट विधान मुख्यमंत्र्यांनी केलं आहे.