श्रीरामपूर : यंदा एल निनोच्या प्रभावामुळे मान्सूनवर प्रतिकूल परिणाम होण्याची शक्यता हवामान विभागाने वर्तवली आहे. जून ते ऑगस्ट या कालावधीत हा प्रभाव राहणार असल्याने पावसाळा लांबण्याची शक्यता असून, उपलब्ध पाण्याचा काटकसरीने वापर करण्याचे आवाहन प्रशासनाकडून करण्यात आले आहे. श्रीरामपूर शहरासह बेलापूर-ऐनतपूर, निपाणीवाडगाव, लोणी, कोल्हार आदी मोठ्या गावांचा पाणीपुरवठा कालव्यावर अवलंबून आहे. या सर्व गावांची लोकसंख्या मोठी असल्याने पावसाळा उशिरा येण्याची शक्यता लक्षात घेता मे महिन्यापासूनच पाणी कपात आणि पाणी बचतीचे उपाय अवलंबणे आवश्यक असल्याचे प्रशासनाने स्पष्ट केले आहे. नागरिकांनीही परिस्थितीचे गांभीर्य ओळखून पाण्याचा अपव्यय टाळावा, असे आवाहन करण्यात आले आहे. अंगण, रस्ते किंवा वाहने धुण्यासाठी पाणी वापरणे हे अयोग्य व बेजबाबदारपणाचे असल्याचे प्रशासनाने नमूद केले आहे. अशा प्रकारे पाण्याचा अपव्यय करणाऱ्यांवर दंडात्मक कारवाई करण्याचा इशाराही देण्यात आला आहे. संभाव्य पाणीटंचाईचे संकट टाळण्यासाठी नागरिकांनी जबाबदारीने व काटकसरीने पाण्याचा वापर करावा, असे आवाहन प्रशासनाकडून करण्यात आले आहे.
श्रीरामपूर : यंदा एल निनोच्या प्रभावामुळे मान्सूनवर प्रतिकूल परिणाम होण्याची शक्यता हवामान विभागाने वर्तवली आहे. जून ते ऑगस्ट या कालावधीत हा प्रभाव राहणार असल्याने पावसाळा लांबण्याची शक्यता असून, उपलब्ध पाण्याचा काटकसरीने वापर करण्याचे आवाहन प्रशासनाकडून करण्यात आले आहे.
श्रीरामपूर शहरासह बेलापूर-ऐनतपूर, निपाणीवाडगाव, लोणी, कोल्हार आदी मोठ्या गावांचा पाणीपुरवठा कालव्यावर अवलंबून आहे. या सर्व गावांची लोकसंख्या मोठी असल्याने पावसाळा उशिरा येण्याची शक्यता लक्षात घेता मे महिन्यापासूनच पाणी कपात आणि पाणी बचतीचे उपाय अवलंबणे आवश्यक असल्याचे प्रशासनाने स्पष्ट केले आहे.
नागरिकांनीही परिस्थितीचे गांभीर्य ओळखून पाण्याचा अपव्यय टाळावा, असे आवाहन करण्यात आले आहे. अंगण, रस्ते किंवा वाहने धुण्यासाठी पाणी वापरणे हे अयोग्य व बेजबाबदारपणाचे असल्याचे प्रशासनाने नमूद केले आहे. अशा प्रकारे पाण्याचा अपव्यय करणाऱ्यांवर दंडात्मक कारवाई करण्याचा इशाराही देण्यात आला आहे.
संभाव्य पाणीटंचाईचे संकट टाळण्यासाठी नागरिकांनी जबाबदारीने व काटकसरीने पाण्याचा वापर करावा, असे आवाहन प्रशासनाकडून करण्यात आले आहे.
COMMENTS