कल्याणमध्ये किरकोळ कारणावरून गोळीबार; व्हॉट्सॲप डीपी आणि स्टेटसचा वाद बेतला जीवावर

ठाणे : कल्याणमध्ये व्हॉट्सॲप डीपी (DP) आणि स्टेटसवर फोटो ठेवण्याच्या किरकोळ कारणावरून गोळीबार झाल्याची धक्कादायक घटना घडली आहे. या वादातून एका तरुणावर गोळीबार करण्यात आला. त्यानंतर मुख्य आरोपीने स्वतःवरही गोळी झाडून घेतल्याची माहिती समोर येत आहे. या प्रकरणी खडकपाडा पोलिसांनी दोन आरोपींना अटक केली असून मुख्य आरोपी सध्या पोलिसांच्या ताब्यात आहे.

कल्याण पश्चिमेतील मोहने परिसरात राहणारा अभिषेक पवार उर्फ अभी आणि गौरव साळुंखे यांच्यात जुना वाद होता. या जुन्या वादातून आणि व्हॉट्सॲप स्टेटसच्या कारणावरून हा गोळीबार झाल्याचे बोलले जात आहे. खडकपाडा पोलीस या प्रकरणाचा पुढील तपास करत आहेत.