सामंथासोबत घटस्फोटाच्या 2 वर्षानंतर पुन्हा लग्न करतोय नागा चैतन्य ?

लोकप्रिय साउथ सुपरस्टार नागा चैतन्य त्याच्या कामासाठी तसेच त्याच्या वैयक्तिक आयुष्यासाठी खूप चर्चेत असतो. 2 ऑक्टोबर 2021 रोजी, नागा आणि सामंथा रुथ प्रभू यांनी त्यांच्या विभक्त होण्याची घोषणा करून सर्वांना आश्चर्यचकित केले. त्यांच्या घटस्फोटानंतर, अनेक अफवा उठल्या, परंतु एकाही माजी जोडप्याने त्यांच्या विभक्त होण्याचे खरे कारण उघड केले नाही.नागा चैतन्यने आयुष्यात पुढे जाण्याचा निर्णय घेतला आहे. तो लवकरच दुसऱ्यांदा लग्नबंधनात अडकणार असल्याचं कळतंय. नागार्जुन आपला मुलगा नागा चैतन्यसाठी दुसरे लग्न करण्याचा विचार करत आहे. या मुलीची ओळख पटली नसली तरी वृत्तानुसार ही मुलगी एका व्यावसायिक कुटुंबातील असून तिचा ग्लॅमर जगाशी कोणताही संबंध नाही. मात्र, अभिनेता किंवा त्याच्या कुटुंबीयांकडून या वृत्ताला दुजोरा मिळालेला नाही.

नागा चैतन्य आणि समंथा रुथ प्रभू यांच्या नात्याबद्दल सांगायचे तर ते दोघेही चित्रपटाच्या सेटवर प्रेमात पडले. यानंतर दोघांनी 2017 मध्ये लग्न केले. मात्र, लवकरच त्यांच्या नात्यात अडचणी निर्माण होऊ लागल्या. यामुळे नागा-समंथाने लग्नाच्या चार वर्षानंतर घटस्फोट घेण्याचा निर्णय घेतला. पॉवर कपल सामंथा-नागाने घटस्फोटाची घोषणा करून सर्वांना आश्चर्यचकित केले होते. घटस्फोटानंतर लगेचच नागा चैतन्यचे नाव अभिनेत्री शोभिता धुलीपालाशी जोडले जाऊ लागले. त्यांची जवळीक आणि डेटिंगचा अंदाज इंटरनेटवर तुफान झाला. मात्र, नागा आणि शोभिता या दोघांनीही त्यांच्या नात्याबद्दल कोणतीही प्रतिक्रिया दिलेली नाही