समृद्धी महामार्गावर लुटमार करणारी आंतरजिल्हा टोळी जेरबंद; स्थानिक गुन्हे शाखेची मोठी कारवाई

कोपरगाव : समृद्धी महामार्गावर धुमाकूळ घालत वाहने अडवून प्रवाशांना लोखंडी रॉडने मारहाण करून लुटणाऱ्या आंतरजिल्हा टोळीचा अहिल्यानगर स्थानिक गुन्हे शाखेने अवघ्या ४ दिवसांत पर्दाफाश केला आहे. या धडक कारवाईत ६ आरोपींना बेड्या ठोकण्यात आल्या आहेत.

आरोपींकडून दरोड्यासाठी वापरलेल्या गाड्या, मोबाईल आणि रोख रकमेसह तब्बल ९ लाख २८ हजार ६०० रुपयांचा मुद्देमाल हस्तगत करण्यात आला आहे. या टोळीच्या अटकेमुळे समृद्धी महामार्गावरील प्रवाशांनी सुटकेचा श्वास सोडला असून पोलीस पुढील अधिक तपास करत आहेत.