मुक्ताईनगर तालुक्यातील सर्वात मोठा अवैध धंद्याचा अड्डा गोसावी यांचाच

जळगाव प्रतिनिधी – मुक्ताईनगर तालुक्यामधील कुर्हा, अंतुर्ली या भागामध्ये चक्री नावाचा मोठ्या प्रमाणात जुगार चालतो मुक्ताईनगर बऱ्हाणपूर रोडवरील चेक पोस्ट वरती गोसावी नावाच्या व्यक्तीचं हॉटेल आहे, या हॉटेलमधून गांजा ,अफू आणि जुगार चालतो, याच हॉटेलमध्ये अवैधरित्या दारूही मोठ्या प्रमाणात विकली जाते. अवैधरित्या गांजा, अफू आणि दारू विक्री सह जुगार याचा सर्वात मोठा मुक्ताईनगर तालुक्यातला अड्डा हा गोसावीचाच आहे. मी वारंवार याची प्रशासनाला माहिती देऊनही  एसपी, डीआयजी यांनी कारवाई केलेली नाही याचं कारण काय तर यांच्याकडून पैसे गोळा केले जातात, या अवैध धंदेवाल्यांना पोलिसांचे संरक्षण आहे, राजकीय संरक्षण आहे, असा गंभीर आरोप राष्ट्रवादीचे ज्येष्ठ नेते आमदार एकनाथ खडसे यांनी केला आहे