धारूर तालुक्यातील धुनकवाड येथील सेवा सहकारी सोसायटीच्या सचिवपदी अशोक कीर्तने यांची नियुक्ती झाल्याबद्दल धुनकवाड ग्रामपंचायतीच्या वतीने त्यांचा शा
धारूर तालुक्यातील धुनकवाड येथील सेवा सहकारी सोसायटीच्या सचिवपदी अशोक कीर्तने यांची नियुक्ती झाल्याबद्दल धुनकवाड ग्रामपंचायतीच्या वतीने त्यांचा शाल, श्रीफळ व पुष्पहार देऊन सत्कार करण्यात आला. त्यांच्या नियुक्तीमुळे गावातील सहकार क्षेत्राला सक्षम नेतृत्व लाभल्याची भावना उपस्थितांनी व्यक्त केली.
धुनकवाड सेवा सहकारी सोसायटीचे नवनिर्वाचित सचिव म्हणून अशोक कीर्तने यांनी नुकताच पदभार स्वीकारला आहे. सहकार क्षेत्रातील त्यांचा अनुभव, प्रशासनातील जाण आणि शेतकरी हिताच्या कामांबाबत असलेली तळमळ लक्षात घेता त्यांच्या नियुक्तीचे ग्रामस्थांनी स्वागत केले आहे. त्यांच्या नेतृत्वाखाली सोसायटीची प्रगती अधिक वेगाने होईल तसेच शेतकरी व सभासदांना अधिक चांगल्या सुविधा उपलब्ध होतील, असा विश्वास यावेळी व्यक्त करण्यात आला. सत्कार समारंभात बोलताना उपस्थित मान्यवरांनी सहकार क्षेत्र हा ग्रामीण विकासाचा कणा असल्याचे सांगत सचिव म्हणून अशोक कीर्तने यांनी पारदर्शक व लोकाभिमुख कारभार करून संस्थेची विश्वासार्हता अधिक बळकट करावी, अशा अपेक्षा व्यक्त केल्या. तसेच शेतकरी, सभासद आणि ग्रामस्थांच्या हितासाठी त्यांनी सातत्याने कार्य करावे, अशा शुभेच्छाही देण्यात आल्या. या वेळी धुनकवाडचे सरपंच भागवत गव्हाणे, माजी सरपंच अभिमान यादव, वडवणी सेवा सहकारी सोसायटीचे सचिव आकेश मुळे, माजी उपसरपंच दत्ता यादव, विक्रम यादव, गोरख यादव, सुदाम बप्पा यादव, भागवत धोंगडे, ज्ञानेश्वर यादव, पत्रकार जगदीश गोरे यांच्यासह ग्रामपंचायत सदस्य, पदाधिकारी व ग्रामस्थ मोठ्या संख्येने उपस्थित होते. कार्यक्रमाच्या शेवटी उपस्थितांनी अशोक कीर्तने यांचे अभिनंदन करून त्यांच्या भावी कार्यासाठी शुभेच्छा दिल्या. सत्कार समारंभ उत्साहपूर्ण वातावरणात संपन्न झाला. सेवा सहकारी सोसायटीच्या माध्यमातून शेतकरी व सभासदांच्या हिताला प्राधान्य देत संस्थेच्या सर्वांगीण विकासासाठी प्रामाणिकपणे कार्य करणार असून ग्रामस्थांनीही सहकार्य करावे, असे नवनिर्वाचित सचिव अशोक कीर्तने यांनी सांगितले.
COMMENTS