पुण्यात तरुणावर केले कोयत्याने वार

पुणे ; पुणे-सोलापूर रस्त्यावरील द्राक्ष संशोधन परिषदेसमोर एका तरुणावर धारदार शस्त्राने वार करून खुनाचा प्रयत्न करण्यात आला. या प्रकरणी मांजरी पोलिसांनी दोघांना अटक केली असून, त्यांच्या एका साथीदाराविरुद्ध गुन्हा दाखल करण्यात आला आहे. गणेश नवनाथ कांबळे (वय 33, रा. उंदरगाव, ता. करमाळा, जि. सोलापूर) असे जखमी झालेल्या तरुणाचे नाव आहे. कुणाल राहुल चौगुले (वय 18) आणि सुरेश बाबुराव गायकवाड (वय 18, दोघे रा. लोणी काळभोर, पुणे-सोलापूर रस्ता) अशी अटक केलेल्या आरोपींची नावे आहेत.