किशोरकुमार यांच्या जयंतीनिमित्त बीडमध्ये ‘किशोर कुमार की यादे’ मोफत संगीतमय कार्यक्रम

बीड : सिनेमासृष्टीतील महान गायक, संगीतकार आणि अष्टपैलू कलाकार किशोरकुमार यांच्या जयंतीनिमित्त रविवारी, ९ ऑगस्ट रोजी डॉ. बाबासाहेब आंबेडकर भवन येथे कलाकार ग्रुपच्या वतीने ‘किशोर कुमार की यादे’ या नव्या-जुन्या चित्रपट गीतांच्या विशेष कार्यक्रमाचे आयोजन करण्यात आले आहे. या कार्यक्रमाचे संयोजक बबनराव वडमारे आहेत.

या कार्यक्रमाचे उद्घाटन पोलीस निरीक्षक अशोक मुदीराज यांच्या हस्ते होणार असून, ‘लोकदिशा’चे संपादक किशोर कागदे हे प्रमुख अतिथी म्हणून उपस्थित राहणार आहेत. या संगीतमय सोहळ्यात अनेक लोकप्रिय मराठी आणि हिंदी गीतांचे सादरीकरण केले जाणार आहे.

हा कार्यक्रम सर्वांसाठी पूर्णपणे मोफत असून नागरिकांनी व संगीतप्रेमींनी मोठ्या संख्येने उपस्थित राहावे, असे आवाहन बबन वडमारे, ॲड. अविनाश गडगे, डॉ. सुधीर साळवे, राजू जोसेफ, विनोद सवाई आणि शाम माने यांच्या वतीने करण्यात आले आहे.