शिर्डीतील साईबाबा मंदिराला अनंत अंबानींची दीड कोटींची देणगी

प्रसिद्ध उद्योगपती मुकेश अंबानी यांचे पुत्र अनंत अंबानी दिवाळीनिमित्त साई बाबांच्या चरणी नतमस्तक झाले. त्यानंतर अनंत अंबानी यांनी साईबाबा मंदिर संस्थानाला १.५ कोटी रुपयांची देणगी अर्पण केली. साई संस्थानाने याबद्दल माहिती दिली आहे. साई बाबा संस्थानाच्या मुख्य कार्यकारी अधिकारी भाग्यश्री बानायत याही अनंत अंबानी यांच्याबरोबर होत्या. एक तास अनंत अंबानी मंदिरात होते. त्यांनी साईबाबांची मध्यान्ह आरतीही केली. त्यानंतर कार्यकारी अधिकाऱ्यांकडे अनंत अंबानी यांनी दीड कोटी रुपयांच्या देणगीचा चेक सुपूर्द केला, असे मंदिर ट्रस्टच्या एका प्रवक्त्याने सांगितलं.