खासदार भाऊसाहेब वाकचौरे यांच्या पुतळ्याचे दहन; ठाकरे गटाच्या शिवसैनिकांचा संगमनेरमध्ये तीव्र संताप

अहिल्यानगर : ठाकरे गटातील सहा खासदारांनी बंडाचा झेंडा फडकवल्यानंतर विविध मतदारसंघांतून तीव्र संताप व्यक्त करण्यात येत आहे. शिर्डीचे खासदार भाऊसाहेब वाकचौरे यांनी पुन्हा एकदा उद्धव ठाकरे यांची साथ सोडल्याने संगमनेर तालुक्यातील ठाकरेंचे शिवसैनिक कमालीचे आक्रमक झाले आहेत. भाऊसाहेब वाकचौरे यांच्या प्रतीकात्मक पुतळ्याला आणि फोटोला साडी घालून, वाकचौरे यांच्या विरोधात जोरदार घोषणाबाजी करण्यात आली. या वेळी खासदार वाकचौरे यांच्या पुतळ्याचे दहन करत शिवसैनिकांकडून तीव्र निषेध करण्यात आला.