श्रीरामपूर : रयत माऊलीच्या संस्कारांनी सुसंस्कृत झालेल्या खंडाळा येथील 'न्यू इंग्लिश स्कूल'च्या शिरपेचात मानाचा आणखी एक तुरा रोवला गेला आहे. राज्
श्रीरामपूर : रयत माऊलीच्या संस्कारांनी सुसंस्कृत झालेल्या खंडाळा येथील ‘न्यू इंग्लिश स्कूल’च्या शिरपेचात मानाचा आणखी एक तुरा रोवला गेला आहे. राज्यस्तरीय सी.व्ही.रमण बालवैज्ञानिक परीक्षेत विद्यालयाची गुणवंत विद्यार्थिनी अनन्या गणेश ढोकचौळे हिने तालुक्यात तृतीय क्रमांक पटकावून विद्यालयाच्या यशाची पताका अधिक उंच केली.
अनन्याच्या या दैदीप्यमान यशाबद्दल विद्यालयाचे मुख्याध्यापक मंगलदास बत्तीसे यांनी आनंद व्यक्त करताना सांगितले की, “रयत शिक्षण संस्थेच्या मॅनेजिंग कौन्सिल सदस्या मीनाताई जगधने यांच्या गतिमान व प्रेरणादायी मार्गदर्शनाखाली विद्यालयात सातत्याने विद्यार्थ्यांच्या सर्वांगीण विकासासाठी विविध नाविन्यपूर्ण उपक्रम राबवले जातात. हे यश म्हणजे विद्यार्थ्यांची कठोर मेहनत आणि विद्यालयातील गुरुजनांच्या सातत्यपूर्ण परिश्रमांचे सुवर्णफळ आहे.”
या यशामागे सरोज अहिरे, दत्तात्रय शिरसाठ, भाऊसाहेब लोंढे, सुनिल पवार, रामभाऊ जाधव, मुकेश देशमुख, रुपाली पवार, उषा रेपाळे, संगिता बर्डे, राहुल छल्लारे, कविता कोबरने, अशोक तिटकारे आणि शायदा बागवान या मार्गदर्शक शिक्षकांचे मोलाचे योगदान लाभले.
या यशाबद्दल संस्थेच्या मॅनेजिंग कौन्सिल सदस्या मीना जगधने, भागवत ढोकचौळे, आबासाहेब ढोकचौळे, विजय चव्हाण आणि विद्यालयाच्या विविध समित्यांच्या पदाधिकाऱ्यांनी अनन्याचे व तिच्या पालकांचे कौतुक करत पुढील वाटचालीस शुभेच्छा दिल्या आहेत.
COMMENTS