प्रतिनिधी: उल्हासनगर राष्ट्रवादी काँग्रेस पक्षाने उल्हासनगर शहरात मोठा राजकीय भूकंप केला आहे. माजी आमदार पप्पू कलानी यांच्या सूनबाई आणि उल्हासनगर
प्रतिनिधी: उल्हासनगर
राष्ट्रवादी काँग्रेस पक्षाने उल्हासनगर शहरात मोठा राजकीय भूकंप केला आहे. माजी आमदार पप्पू कलानी यांच्या सूनबाई आणि उल्हासनगर महापालिकेच्या माजी महापौर पंचम ओमी कलानी यांनी नगरसेवकपदाचा राजीनामा दिला.
त्यानंतर टीम कलानींच्या २२ नगरसेवकांसह इतर पक्षातील १० नगरसेवकांनी राष्ट्रवादीचा झेंडा हाती धरला आहे. मंत्री जितेंद्र आव्हाड यांच्या उपस्थितीत ठाण्यात हा पक्षप्रवेश झाला.
पंचम कलानी या तांत्रिकदृष्ट्या भाजपच्या चिन्हावर नगरसेविका म्हणून निवडून आल्या होत्या. आता राष्ट्रवादी प्रवेशापूर्वी पंचम कलानी यांनी उल्हासनगरचे महापालिका आयुक्त राजा दयानिधी यांच्याकडे नगरसेवकपदाचा राजीनामा दिला.
टीम ओमी कलानींच्या भाजपच्या चिन्हावर निवडून आलेल्या २२ नगरसेवकांनी हातावर ‘घड्याळ’ बांधले आहे. यावेळी उल्हासनगर महापालिकेवर आता राष्ट्रवादीचा झेंडा फडकेल, असा विश्वास जितेंद्र आव्हाड यांनी व्यक्त केला. कलानी परिवाराच्या प्रवेशामुळे शहरात राष्ट्रवादीला मोठी ताकद मिळेल, असेही आव्हाड म्हणाले.
COMMENTS