वाल्मिक कराडची तब्बेत जेलमध्ये बिघडली

बीड : बीड जिल्ह्यातील मस्साजोगचे सरपंच संतोष देशमुख हत्याप्रकरणातील मुख्य आरोपी वाल्मिक कराड याची प्रकृती अचानक खालावल्याची माहिती समोर आली आहे. शुक्रवारी सकाळी त्याला अस्वस्थ वाटू लागल्याने पोलिसांनी तातडीने मोठ्या बंदोबस्तात जिल्हा रुग्णालयात दाखल केले. सध्या डॉक्टरांकडून त्याची सखोल वैद्यकीय तपासणी सुरू असून पुढील उपचारांबाबत निर्णय तपासणीनंतरच घेतला जाणार आहे. या घटनेमुळे प्रकरणाला नवे वळण मिळण्याची शक्यता व्यक्त केली जात आहे. रुग्णालयात नेताना वाल्मिक कराडचा बदललेला चेहराही समोर आला. दीर्घ काळ तुरुंगात राहिल्यामुळे त्याच्या प्रकृतीवर परिणाम झाल्याचे दिसून आले.