कार्यकाळ संपल्याने केंद्रीय मंत्री जॉर्ज कुरियन यांचा राजीनामा

नवी दिल्ली : केंद्रीय अल्पसंख्याक विभागाचे राज्यमंत्री जॉर्ज कुरियन यांनी आपल्या पदाचा राजीनामा दिला असून राष्ट्रपती द्रौपदी मुर्मू यांनी तो तत्काळ प्रभावाने स्वीकारला आहे. पंतप्रधानांच्या सल्ल्यानुसार संविधानाच्या कलम ७५(२) अंतर्गत हा निर्णय घेण्यात आल्याची माहिती राष्ट्रपती भवनाकडून देण्यात आली.

जॉर्ज कुरियन हे भाजपचे ज्येष्ठ नेते असून ते केरळमधील पक्षाचा महत्त्वाचा चेहरा मानले जातात. केरळ विधानसभा निवडणुकांच्या पार्श्वभूमीवर त्यांना राज्यसभेत पाठवण्यात आले होते. मात्र, त्यांचा राज्यसभा कार्यकाळ २१ जून रोजी संपुष्टात आल्याने त्यांना केंद्रीय मंत्रीपदाचा राजीनामा द्यावा लागला. ६५ वर्षीय जॉर्ज कुरियन हे १९८० मध्ये भाजपची स्थापना झाल्यापासून पक्षाशी जोडलेले आहेत. ऑगस्ट २०२४ मध्ये पंतप्रधान नरेंद्र मोदी यांच्या तिसऱ्या मंत्रिमंडळात त्यांची केंद्रीय राज्यमंत्री म्हणून नियुक्ती करण्यात आली होती.