विधानपरिषदेसाठी भाजपकडून तिघांना उमेदवारी

मुंबई ः लोकसभा निवडणुकीनंतर राज्यात विधानपरिषदेच्या निवडणुकीचे वेध लागले आहे. भाजप विधानपरिषदेच्या तीन जागा लढणार असून, या तीनही जागांवरील उमेदवार भाजपने सोमवारी जाहीर केले. मुंबई शिक्षक व पदवीधरसहित कोकण पदवीधरवर भाजपकडून उमेदवार घोषित करण्यात आले आहेत.
यामध्ये कोकण पदवीधर मतदारसंघातून भाजपने निरंजन डावखरेंना पुन्हा संधी देण्यात आली आहे. तर मुंबई शिक्षक मतदारसंघातून शिवनाथ दराडे आणि मुंबई पदवीधर मतदारसंघातून किरण शेलार यांना संधी देण्यात आली आहे. रमेश कीर यांना कोकण पदवीधर मधून काँग्रेसने उमेदवारी जाहीर केली आहे. शिवसेना शिंदे गटाकडून शिवसेनेचे सचिव संजय मोरे यांनी कोंकण पदवीधर मतदारसंघ निवडणूकीकरिता उमेदवारी अर्ज घेतला आहे. तर भारतीय जनता पक्षाकडून निरंजन डावखरे यांना संधी देण्यात आली आहे. त्यामुळे कोकण पदवीधर मतदार संघात तिरंगी लढत होण्याची शक्यता आहे.