हैद्राबादच्या विजयाचा सुर्य उगवला; केकेआरचा सलग दुसरा पराभव

आयपीएलच्या २०२६ च्या सत्रातील दुसऱ्या फेरीतील सामन्यांना सुरुवात झाल्यानंतरही तीन वेळच्या विजेत्या कोलकाता नाईट रायडर्सला आपले विजयाचे खाते उघडता आले नाही. हेनरिक क्लासेन (५२), अभिषेक शर्मा (४८) आणि ट्रॅव्हिस हेड (४६) यांच्या धडाकेबाज खेळी आणि भेदक गोलंदाजीच्या जोरावर सनरायझर्स हैदराबादने आपल्या घरच्या मैदानावर कोलकाता नाईट रायडर्स (केकेआर) संघाला ६५ धावांनी पराभूत करून या हंगामातील आपला पहिला विजय नोंदवला. गुरुवारी ईडन गार्डन्सवर नाणेफेक हरल्यानंतर प्रथम फलंदाजी करताना हैदराबादने २० षटकांत आठ गडी गमावून २२६ धावा केल्या. प्रत्युत्तरात, कोलकाता संघ १६ षटकांत केवळ १६१ धावाच करू शकला आणि सर्वबाद झाला. अंगक्रिश रघुवंशीने केकेआरसाठी सर्वाधिक ५२ धावा केल्या. हैदराबादकडून जयदेव उनाडकटने तीन बळी घेतले, तर ईशान मलिंगा आणि नितीश कुमार रेड्डी यांनी प्रत्येकी दोन बळी घेतले. हर्ष दुबेनेही एक बळी मिळवला.