उन्हाचा वाढता पारा अन् दररोज शेकडो शुभकार्यांना उपस्थित राहणारं धस कुटुंबजनतेशी जपलेलं आत्मीयतेचं नातं..!

आष्टी, पाटोदा आणि शिरूर विधानसभा मतदारसंघाचे आमदार सुरेश धस आणि धस कुटुंब सध्या मतदारसंघात सातत्याने जनसंपर्क दौर्‍यावर असल्याचे चित्र पाहायला मिळत आहे. वाढत्या उन्हाच्या तडाख्यातही दररोज शेकडो शुभकार्यांना उपस्थित राहत धस कुटुंब नागरिकांशी जिव्हाळ्याचे नाते अधिक दृढ करत आहेत.
मतदारसंघातील विविध गावांमध्ये आयोजित विवाह सोहळे, धार्मिक कार्यक्रम, सत्कार समारंभ, गृहप्रवेश, वाढदिवस तसेच इतर सामाजिक उपक्रमांना आ. सुरेश धस,सौ.प्राजक्ताताई धस,मा.जि. प.सदस्य देविदास धस,युवा नेते जयदत्त धस,श्याम धस,सागर धस व संपूर्ण धस कुटुंब आवर्जून उपस्थित राहत आहे. प्रत्येक ठिकाणी नागरिकांशी आत्मीयतेने संवाद साधत शुभेच्छा देत आहेत. राजकीय जबाबदार्‍यांसोबत सामाजिक बांधिलकी जपत जनतेच्या सुख-दुःखात सहभागी होणारे नेतृत्व म्हणून आ. सुरेश धस यांची वेगळी ओळख आहे. उन्हाचा पारा दिवसेंदिवस वाढत असतानाही सकाळपासून रात्रीपर्यंत मतदारसंघात सुरू असलेली त्यांची धावपळ असते.  विविध कार्यक्रमांसाठी येणार्‍या प्रत्येक निमंत्रण पत्रिकेची स्वतः आ. सुरेश धस दखल घेत आपलं माणूस या कार्यक्रमाला गेलं पाहिजे या भावनेतून शक्य तितक्या प्रत्येक ठिकाणी उपस्थित राहण्याचा प्रयत्न करत असल्याचे दिसून येते.जनतेशी जिव्हाळ्याचे संबंध जपण्याचा प्रयत्न आ. सुरेश धस व संपूर्ण कुटुंब सातत्याने करत आहेत. त्यामुळे उन्हाचा पारा वाढला, पण जनसंपर्काचा उत्साह कमी झाला नाही, अशी भावना मतदारसंघातील नागरिकांमधून व्यक्त होत आहे.