नायगाव: अवैध रेती वाहतुकीविरोधात रामतीर्थ पोलिसांनी धडक कारवाई करत रेतीची चोरटी वाहतूक करणारा हायवा ट्रक जप्त केला आहे. या प्रकरणी ट्रक चालक आणि
नायगाव: अवैध रेती वाहतुकीविरोधात रामतीर्थ पोलिसांनी धडक कारवाई करत रेतीची चोरटी वाहतूक करणारा हायवा ट्रक जप्त केला आहे. या प्रकरणी ट्रक चालक आणि मालकाविरुद्ध गुन्हा दाखल करण्यात आला असल्याची माहिती रामतीर्थ पोलीस ठाण्याचे सहाय्यक पोलीस निरीक्षक विक्रम हराळे यांनी दिली आहे. या कारवाईमुळे परिसरातील रेती माफियांमध्ये मोठी खळबळ उडाली आहे.
रामतीर्थ पोलीस ठाण्यात भारतीय न्याय संहिता (BNS) कलम ३०३(२) अंतर्गत हा गुन्हा दाखल करण्यात आला आहे. पोलिसांनी दिलेल्या माहितीनुसार, एम.एच. २६ सी.व्हिए. ९५५५ क्रमांकाचा भारत बेंज कंपनीचा हायवा ट्रक नरसी-मुखेड मार्गावरील गोदावरी ट्रॅव्हल्स पॉईंट येथील पार्किंग मैदानात संशयास्पद अवस्थेत उभा असल्याचे आढळून आले.
पोलिसांनी तपासणी केली असता, या ट्रकमध्ये कोणतीही अधिकृत वा वैध परवानगी नसताना सुमारे पाच ते सहा ब्रास रेतीची चोरटी वाहतूक केली जात असल्याचे उघडकीस आले. याप्रकरणी पोलिसांनी तात्काळ संबंधित हायवा ट्रक जप्त करत चालक व मालकाविरुद्ध कायदेशीर कारवाई केली आहे. अवैध गौण खनिज वाहतुकीविरोधात रामतीर्थ पोलिसांनी कारवाईचा बडगा उगारल्याने रेती तस्करी करणाऱ्यांचे धाबे दणाणले आहेत. या प्रकरणाचा पुढील तपास पोलीस करत असून, अवैध रेती वाहतुकीच्या साखळीचा शोध घेण्याच्या दृष्टीने अधिक माहिती संकलित केली जात आहे.
COMMENTS