पुण्यात प्रवासी बसच्या धडकेत पादचार्‍याचा मृत्यू

पुणे : पुण्यात संगमवाडी येथील बस थांब्यावर एका खासगी प्रवासी बसच्या धडकेत पादचार्‍याचा मृत्यू झाला आहे. या प्रकरणी बस चालकाविरुद्ध पोलिसांनी गुन्हा दाखल केला असून, पुढील तपास सुरू आहे. रज्जू निषाद (वय 39, रा. छत्तीसगड) असे मृत्युमुखी पडलेल्या पादचार्‍याचे नाव आहे. बुधारु रामजी निषाद (वय 35, सध्या रा. हिंजवडी) यांनी लक्ष्मीनगर पोलिस ठाण्यात याप्रकरणी फिर्याद दिली आहे. बुधारु हे मृत रज्जू यांचे भाऊ आहेत.रज्जू निषाद हे संगमवाडी परिसरातून जात असताना प्रवासी वाहतूक करणार्‍या आराम बसने त्यांना धडक दिली.