गोरेगावच्या बांगुर नगर परिसरात भीषण आग; झोपडपट्टीसह ४-५ दुकाने खाक

मुंबई : मुंबईतील बांगुर नगर गोरेगाव परिसरात पश्चिम मेट्रो लाईन जवळच्या आज सकाळी आग लागल्याची घटना घडली आहे. बांगुर नगर परिसरामध्ये डी मार्टच्यासमोर झोपडपट्टीमध्येही आग लागल्याने मोठी खळबळ उडाली होती. घटनेची माहिती मिळतात अग्निशमन दलाचा चार ते पाच गाड्या दाखल होऊन आग विझवण्यासाठी प्रयत्न युद्ध पातळीवर सुरु आहे.
सुदैवाने, या आगीमध्ये अद्याप कोणतेही जीवितहानी झालेली नाही. मात्र या आगीमध्ये चार ते पाच दुकान जळून खाक झाले आहेत. साधारणपणे सकाळी दहा वाजताच्या दरम्यान ही आग लागलीहोती आणि वाऱ्याच्या वेगाने वाढत गेली. मिळालेल्या माहितीनुसार सजावटीच्या सामानाला, डेकोरेशनच्या वस्तूला ही आग लागली असावी असा प्राथमिक अंदाज आहे. हि आग नक्की कशामुळे लागली, या संदर्भात पुढील तपास स्थानिक पोलिस आणि अग्निशमन दलाचे जवान करत आहेत.