दुसरीही मुलगी नको म्हणून विवाहितेचा बळजबरीने गर्भपात.

बीड प्रतिनिधी-  बीड(Beed) च्या परळी(Parli) तील स्त्रीभ्रूण हत्येचं प्रकरण देशभरात गाजलं होतं. आता पुन्हा  दुसरी मुलगी नको म्हणून एका विवाहितेचा बळजबरीने गर्भपात(Abortion) केल्याची घटना परळीत उघडकीस आली आहे. याप्रकरणी सासरच्या तिघांसह डॉक्टरवर गुन्हा  दाखल करण्यात आला आहे. पीडित महिलेला पहिली मुलगी असून आता दुसऱ्यांदा गरोदर होती. मात्र दुसरी मुलगी नको म्हणून एका डॉक्टरला हाताशी धरुन बेकायदेशीर गर्भलिंगनिदान(Pregnancy diagnosis) केले. त्यानंतर गर्भात मुलगीच आहे हे लक्षात आल्यानंतर पती आणि सासू, सासऱ्यांच्या सांगण्यावरुन त्या महिलेचा बळजबरीने गर्भपात केला. या गर्भपातास पीडित महिलेने विरोध केला. मात्र तिचे कुणीही ऐकले नाही. अखेर या महिलेने परळीतील संभाजीनगर पोलीस ठाण्यात(Sambhajinagar Police Station in Parli) धाव घेत फिर्याद दाखल केली. महिलेच्या फिर्यादीवरुन पोलिसांनी पती, सासू, संबंधित डॉक्टर आणि अन्य एका महिलेवर गुन्हा दाखल केला.