हरित नांदेड अभियानाला वेग; १५० वृक्षांची लागवड

नांदेड : नांदेड-वाघाळा महानगरपालिका, गुरुद्वारा लंगर साहिब व वृक्षमित्र फाउंडेशन यांच्या संयुक्त विद्यमाने रविवारी पावडेवाडी नाका ते छत्रपती चौक मार्गावर ट्री गार्डसह १५० मोठ्या वृक्षांची लागवड करण्यात आली. शहरात १० हजार वृक्ष लागवडीच्या अभियानाचा हा भाग असून महापौर कविता मुळे, आयुक्त डॉ. महेशकुमार डोईफोडे, आ. अमर राजूरकर आदी उपस्थित होते. आ. राजूरकर यांनी अभियानासाठी १० लाखांच्या निधीची घोषणा केली. आयुक्तांनी शहरात ३.१७ लाख वृक्ष असून वृक्षाच्छादन ८.५ टक्के असल्याची माहिती देत नागरिकांनी वृक्ष लागवड आणि संगोपनात सहभागी व्हावे, असे आवाहन केले.