ठाणे : ठाणे जिल्ह्यातील मुंब्रालगतच्या शिलफाटा परिसरात मंगळवारी एका टायर गोदामाला भीषण आग लागल्याची घटना घडली. आगीने काही क्षणांतच रौद्ररूप धारण
ठाणे : ठाणे जिल्ह्यातील मुंब्रालगतच्या शिलफाटा परिसरात मंगळवारी एका टायर गोदामाला भीषण आग लागल्याची घटना घडली. आगीने काही क्षणांतच रौद्ररूप धारण केल्याने परिसरात एकच खळबळ उडाली असून दूरवरूनही धुराचे प्रचंड लोट दिसत आहे. मिळालेल्या माहितीनुसार, शिलफाटा परिसरातील टायर साठवणूक गोदामात अचानक आग लागली. टायर आणि ज्वलनशील साहित्य मोठ्या प्रमाणात असल्याने आगीने वेगाने संपूर्ण गोदामाला विळखा घातला. घटनेनंतर परिसरात अफरातफरीचे वातावरण निर्माण झाले असून नागरिकांनी सुरक्षित स्थळी धाव घेतली. आगीची माहिती मिळताच अग्निशमन दलाच्या अनेक गाड्या घटनास्थळी दाखल झाल्या.
COMMENTS