आजपासून चीनच्या सीसीटिव्ही विक्रीवर बंदी

नवी दिल्ली : भारत सरकारने राष्ट्रीय सुरक्षेच्या दृष्टीने एक मोठा निर्णय घेत 1 एप्रिलपासून चिनी बनावटीच्या इंटरनेटशी जोडलेल्या सीसीटीव्ही कॅमेर्‍यांवर बंदी घालण्याचा निर्णय घेतला आहे. आता नवीन नियमांनुसार, कोणतेही सीसीटीव्ही किंवा पाळत ठेवणारी उपकरणे सरकारी प्रमाणपत्राशिवाय भारतात विकली जाऊ शकणार नाहीत, त्यासाठी कंपन्यांना कठोर चाचण्या आणि मानकांमधून जावे लागेल. या पावलामुळे हिकव्हिजन आणि दाहुआ सारख्या कंपन्यांच्या भारतीय बाजारपेठेतील विक्रीवर बंदी येईल. नवीन नियमांनुसार, कंपन्यांना सिस्टीम-ऑन-चिप (एसओसी) सारख्या प्रमुख घटकांची माहिती द्यावी लागेल आणि उत्पादनांची मान्यताप्राप्त प्रयोगशाळेतून तपासणी करून घ्यावी लागेल.