अखिलेश यादव सोडणार विधानसभेची जागा

लखनऊ ः कन्नौजमधून खासदारकीची निवडणूक जिंकल्यानंतर अखिलेश यादव यांनी करहाल विधानसभा मतदारसंघ सोडण्याचा निर्णय घेतला आहे. खासदारांसोबत झालेल्या बैठकीनंतर शनिवारी लखनऊमध्ये त्यांनी ही घोषणा केली. म्हणजेच आता अखिलेश यादव हे दिल्लीचे राजकारण करणार आहेत. अखिलेश यांनी 2022 मध्ये मैनपुरीच्या करहल विधानसभा मतदारसंघातून निवडणूक लढवली होती. विजयानंतर त्यांनी आझमगडच्या खासदारकीचा राजीनामा दिला. आझमगढमध्ये पोटनिवडणूक झाली, त्यात भाजपचे दिनेश लाल यादव निरहुआ विजयी झाले.