जपानमध्ये धडकले शक्तिशाली वादळ

टोकियो ः जपानमध्ये यावर्षीचे सर्वात शक्तिशाली वादळ ’शानशान’ धडकले आहे. शानशान गुरुवारी सकाळी 8 वाजता दक्षिण-पश्‍चिम क्यूशू बेटावर पोहोचले. वादळामुळे ताशी 252 किमी वेगाने वारे वाहण्यासह मुसळधार पाऊस पडत आहे. वादळामुळे अनेक भागांत मोठे नुकसान झाले आहे. जपानमधील टायफून क्रमांक 10 म्हणून ओळखल्या जाणार्‍या शानशानने 250,000 हून अधिक घरांची वीज खंडित केली आहे. गामागोरी येथे भूस्खलनाने एक घर गाडले आणि एकाच कुटुंबातील तीन जणांचा मृत्यू झाला. याशिवाय 2 जण जखमी झाले आहेत.