काश्मिरातील पुलवामात बोट बुडाली

श्रीनगर ः जम्मू-काश्मीरमधील पुलवामा जिल्ह्यातील पंपोर येथील झेलम नदीत एक बोट बुडाली. बोटीवर 9 गैर-काश्मिरी लोक होते, त्यापैकी 7 जणांना वाचवण्यात आले. मात्र, दोन जण बेपत्ता आहेत. दोघेही यूपीचे रहिवासी आहेत. त्यांच्या शोधासाठी काल रात्रीपासून शोधमोहीम सुरू आहे. एसडीआरएफ, पोलीस प्रशासन आणि निमलष्करी दल बचाव कार्यात गुंतले आहेत. पुलवामाचे उपायुक्त डॉ. बशारत कय्युम यांनी सांगितले की, नदीचा प्रवाह जोरदार असल्याने बचावकार्यात अडचणी येत आहेत. मात्र, बेपत्ता लोकांचा शोध घेण्यासाठी सर्व पथके प्रयत्न करत आहेत.