नागपूर: नागपूरच्या जलालपुरा परिसरात कर्करोगाला आणि गंभीर आजारपणाला कंटाळून ५२ वर्षीय आई अमया अनंता कानखोजे आणि त्यांचा ३३ वर्षांचा मुलगा अद्वैत क
नागपूर: नागपूरच्या जलालपुरा परिसरात कर्करोगाला आणि गंभीर आजारपणाला कंटाळून ५२ वर्षीय आई अमया अनंता कानखोजे आणि त्यांचा ३३ वर्षांचा मुलगा अद्वैत कानखोजे यांनी विष प्राशन करून आत्महत्या केल्याची दुर्दैवी घटना उघडकीस आली आहे.
मिळालेल्या माहितीनुसार, अमया कानखोजे या रेल्वेत अनुकंपा तत्त्वावर कार्यरत होत्या आणि त्या ब्रेस्ट कॅन्सरने (स्तनाचा कर्करोग) ग्रस्त होत्या. तर त्यांचा मुलगा अद्वैत हा गंभीर आजारपणामुळे शय्याग्रस्त होता. जलालपुरा येथील ‘श्री गुरु माऊली अपार्टमेंट’मध्ये राहणाऱ्या कानखोजे कुटुंबाचा शेजाऱ्यांशी फारसा संपर्क नव्हता.
अमया यांचा दुसरा मुलगा यश हा हैदराबाद येथे राहतो. मंगळवारी यशने आईला वारंवार फोन केला, मात्र कोणताही प्रतिसाद न मिळाल्याने त्याला संशय आला. त्यानंतर त्याने शेजाऱ्यांना व पोलिसांना संपर्क साधला असता ही घटना उघडकीस आली. माय-लेकाच्या या टोकाच्या निर्णयामुळे परिसरात मोठी हळहळ व्यक्त केली जात आहे.
COMMENTS