न्यू इंग्लिश स्कूल देर्डे चांदवड विद्यालयाचा दहावीचा निकाल ९० टक्के

कोपरगाव : कर्मवीर शंकरराव काळे एज्युकेशन सोसायटी संचालित न्यू इंग्लिश स्कूल देर्डे चांदवड विद्यालयाने आपल्या यशाची उज्ज्वल परंपरा कायम राखली आहे. विद्यालयाचा एकूण निकाल उत्कृष्ट लागला असून ग्रामीण भागातील विद्यार्थ्यांनी शैक्षणिक गुणवत्तेचा झेंडा रोवला आहे.

विद्यालयाच्या गुणवंत विद्यार्थ्यांमध्ये श्रद्धा सोमनाथ खरात हिने ७४.२० % गुण प्राप्त करून विद्यालयात प्रथम येण्याचा मान मिळवला. शिवानी शांताराम गायकवाड हिने ६९.८० % गुणांसह द्वितीय क्रमांक पटकावला, तर समृद्धी संजय रहाणे हिने ६९.६० % गुण मिळवून तृतीय क्रमांक मिळवला आहे.

विद्यार्थ्यांच्या या यशाबद्दल कर्मवीर शंकरराव काळे एज्युकेशन सोसायटीचे चेअरमन माजी आमदार अशोकराव काळे, विश्वस्त आमदार आशुतोष काळे, व्हा. चेअरमन छबुराव आव्हाड आणि संस्थेच्या सचिव सौ. चैतालीताई काळे, सोसायटीचे सर्व गव्हर्निंग कौन्सिल सदस्य व इन्स्पेक्टर प्रा. नारायण बारे यांनी विद्यार्थ्यांच्या मेहनतीचे आणि त्यांना योग्य मार्गदर्शन करणाऱ्या शिक्षकांचे अभिनंदन केले आहे.