पुण्यात एक तरुण २ तास झुलत उभा; शहरात ‘झोंबी ड्रग्ज’चा शिरकाव?

पुणे : शहरातील नरपतगिरी भागात अमली पदार्थांचे सेवन केलेला एक तरुण तब्बल २ तास एकाच ठिकाणी झुलत उभा होता. या तरुणाने ‘झोंबी ड्रग्ज’ (Zombie Drugs) घेतल्याचा दावा केला जात आहे. या घटनेचा व्हिडिओ सोशल मीडियावर प्रचंड व्हायरल झाला आहे. मुंबई व उपनगरांत काही दिवसांपूर्वी झोंबी ड्रग्ज घेतलेल्या तरुणांचे काही व्हिडिओ समोर आले होते, ज्यामुळे राज्यात एकच खळबळ माजली होती. त्यानंतर आता पुणे शहरातही असाच एक धक्कादायक प्रकार घडला आहे. प्राप्त माहितीनुसार, पुण्यातील नरपतगिरी चौक परिसरात हा तरुण तब्बल २ तास झोंबीसारख्या सुन्न अवस्थेत उभा होता. या घटनेमुळे परिसरात घबराटीचे वातावरण निर्माण झाले असून, पुण्यात ड्रग्जचा विळखा किती घट्ट होत आहे, असा प्रश्न आता उपस्थित केला जात आहे.