अमेरिकेचे सलग दुसर्‍या दिवशी इराणवर हल्लेभीषण हवाई हल्ल्याने जगाच्या पाठीवर पुन्हा एकदा थरकाप

तेहरान : अमेरिका आणि इराण या दोन्ही देशांमध्ये शस्त्रसंधी झाल्यानंतर युद्ध संपेल अशी अपेक्षा असतांनाच पुन्हा एकदा युद्धाने डोके वर काढले असून या युद्धामुळे शेअर बाजारात देखील मोठी पडझड झाल्याचे पाहायला मिळाले. या हल्ल्यांमध्ये बुशेहर, चाबहार, बंदर अब्बास, सिरिक आणि कोनारकसह अनेक शहरांमधील लष्करी आणि सामरिक तळांना लक्ष्य करण्यात आले.
अमेरिकेच्या सेंट्रल कमांडने म्हटले आहे की, होर्मुझच्या सामुद्रधुनीतील इराणची क्षमता कमकुवत करणे हा या कारवाईचा उद्देश होता. या हल्ल्यानंतर, राष्ट्राध्यक्ष डोनाल्ड ट्रम्प यांनी इराणला कडक इशारा देत म्हटले, प्रत्येक वेळी जेव्हा ते आमच्यावर हल्ला करतील, तेव्हा आम्ही 20 पट अधिक प्रत्युत्तर देऊ. ट्रम्प यांनी दावा केला की इराणला एक करार हवा आहे, परंतु तेहरान कराराचे पालन करेल यावर त्यांचा विश्‍वास नाही. अमेरिकेच्या लष्कराने मंगळवारी रात्री उशिरा इराणच्या 80 हून अधिक लष्करी लक्ष्यांवर हवाई हल्ले केले. होर्मुझच्या सामुद्रधुनीतील जहाजांवर इराणने केलेल्या हल्ल्याला प्रत्युत्तर म्हणून हे हल्ले करण्यात आल्याचे अमेरिकेने म्हटले आहे. अमेरिकेचे राष्ट्राध्यक्ष डोनाल्ड ट्रम्प यांनी नाटो शिखर परिषदेदरम्यान सांगितले की, इराणसोबतचा शस्त्रसंधी करार (एमओयू) आता संपला आहे आणि त्यांना इराणसोबत कोणताही करार करायचा नाही. तर दुसरीकडे इराणच्या रिव्होल्यूशनरी गार्ड्सने (आयआरजीसी) दावा केला आहे की, त्यांनी बहरीन आणि कुवेतमध्ये क्षेपणास्त्रे आणि ड्रोनद्वारे अमेरिकेच्या 85 लष्करी लक्ष्यांवर हल्ला केला. यामध्ये अमेरिकेच्या पाचव्या फ्लीटचे मुख्यालय आणि अली अल-सलेम हवाई तळाचा समावेश होता. अमेरिकेसोबत कोणतीही पुढील चर्चा होणार नाही: इराणचे परराष्ट्र मंत्री अब्बास अराघची म्हणाले की, धमक्यांच्या वातावरणात अमेरिकेसोबत कोणतीही चर्चा किंवा करार होणार नाही, आधी अमेरिकेला जुन्या करारांचा आदर करावा लागेल. होर्मुझमधील वाढत्या तणावानंतर, कुवैती कच्च्या तेलाचे 20 लाख बॅरल घेऊन जाणारे भारतीय ध्वज असलेले ’लैला वादिनार’ हे टँकर बुधवारी होर्मुझच्या सामुद्रधुनीजवळील ओमानच्या किनार्‍यावरून परतले