मणिपूरमध्ये शस्त्र 1800 किलो अफूसह दोघे जेरबंद

इम्फाळ ः मणिपूर राज्यात सुरक्षा दलांनी राबवलेल्या धडक कारवाईत मोठा यश मिळवला असून चुराचांदपूर जिल्ह्यातून दोन संशयितांना अटक करण्यात आली आहे. या कारवाईदरम्यान आरोपींकडून मोठ्या प्रमाणात शस्त्रसाठा, सुमारे 1800 किलो अफू दाणे तसेच दोन वाहने जप्त करण्यात आली आहेत. या घटनेमुळे परिसरात मोठी खळबळ उडाली आहे.
अधिकृत माहितीनुसार, जप्त करण्यात आलेल्या शस्त्रांमध्ये सुधारित कार्बाइन प्रकारची बंदूक आणि 9 मिमी क्षमतेचे पिस्तूल यांचा समावेश आहे. एवढ्या मोठ्या प्रमाणात अमली पदार्थ व शस्त्रसाठा एकाच वेळी हस्तगत झाल्याने या प्रकरणाकडे गांभीर्याने पाहिले जात आहे. चंदेल जिल्ह्यातील जंगल भागात सुरक्षा दलांनी स्वतंत्र मोहिम राबवत आणखी एक मोठी कारवाई केली. या मोहिमेत अत्याधुनिक शस्त्रे व स्फोटक साहित्य जप्त करण्यात आले. यात एके-47 प्रकारची रायफल, चार देशी बनावटीच्या बंदुका, अनेक दारुगोळा साठवण नळ्या, सात मोर्टार, सुमारे चार किलो स्फोटक तयार करण्यासाठी लागणारे साहित्य आणि पाच संवाद संच जप्त करण्यात आले आहेत. या सलग कारवायांमुळे मणिपूरमध्ये बेकायदेशीर शस्त्रसाठा व अमली पदार्थांच्या हालचालींवर मोठा आळा बसण्याची शक्यता व्यक्त होत आहे. अटक करण्यात आलेल्या आरोपींकडून आणखी माहिती मिळवण्यासाठी चौकशी सुरू असून या प्रकरणाचे विस्तृत जाळे उलगडण्याची शक्यता सुरक्षा यंत्रणांनी व्यक्त केली आहे.