एक कोटींहून अधिक मुस्लिम भाजपसोबत जोडणार

जामखेड/प्रतिनिधी भाजप पक्ष मुस्लिम समाजातील मागासलेल्या आणि आर्थिकदृष्ट्या दुर्बल घटकांवर लक्ष केंद्रित करत असून, त्यासाठी देशातील उच्चभ्रू ते दूर्बल घटकांपर्यंत भाजप मुस्लिम मोर्चाची देशव्यापी मोहीम आज 10 मेपासून सुरू होत आहे. यामध्ये भाजप अल्पसंख्याक मोर्चाचे राष्ट्रीय अध्यक्ष जमाल सिद्दीकी यांच्या मार्गदर्शनाखाली 3लाख 25 हजार मुस्लिम ‘मोदी मित्र’ पंतप्रधान नरेंद्र मोदींसोबत केंद्राच्या मुस्लिम कल्याणकारी योजनांचा प्रचार करणार आहेत अशी माहिती भाजप अल्पसंख्यांक मोर्चाचे महाराष्ट्र प्रदेश उपाध्यक्ष सलीम बागवान यांनी दिली.
त्यासाठी 50 टक्के पेक्षा जास्त मुस्लिम मतदार असलेल्या देशातील 65 मुस्लिमबहुल लोकसभा मतदारसंघांची निवड करण्यात आली आहे. यामध्ये यूपी-बंगालमधील 13-13, केरळमधील 8, आसाममधून 6, जम्मू-काश्मीरमधून 5, बिहारमधून 4, मध्य प्रदेशातील 3, महाराष्ट्रातील 2-2, दिल्ली, गोवा, तेलंगणा, हरियाणा, लडाख, लक्षद्वीप, तामिळनाडू.1-1 या लोकसभा मतदारसंघाचा समावेश आहे. भाजप सरकारच्या सर्व योजनांचा लाभ मुस्लिमांना कोणताही भेदभाव न करता मिळत असल्याचे या अभियानांतर्गत सांगण्यात येणार असल्याचे भाजपा अल्पसंख्यांक मोर्चाचे महाराष्ट्र प्रदेश उपाध्यक्ष सलीम बागबान यांनी सांगितले. एका लोकसभा मतदारसंघात प्राध्यापक, डॉक्टर, अभियंता, वकील असे राजकारणाबाहेरचे 5 हजार मुस्लिम ‘मोदी मित्र’ असतील. देशाच्या लोकसंख्येत 14 टक्के मुस्लिम आहेत. त्यापैकी 80 टक्के भारतीय मुस्लिम प्रामुख्याने जातींच्या तीन गटांमध्ये विभागले गेले आहेत. ही रचना हिंदू तंत्रज्ञानातील चार वर्णांच्या रचनेसारखी आहे. राज्यसभेचे माजी सदस्य आणि पसमंदा मुस्लिम चळवळीचे नेते अली अन्वर अन्सारी यांच्या मते, पहिल्या वर्गात सय्यद शेख, पठाण, मिर्झा, मुघल यांसारख्या उच्च जातींचा समावेश होतो. दुसर्‍या वर्गात तथाकथित मध्यम जातींचा समावेश होतो. उच्च न्यायालयात त्यांची संख्या मोठी आहे. त्यांच्यामध्ये अनेक जाती आहेत. जसे बागवान, तांबोळी, आतार .मन्यार, कुरेशी,खाटीक, अन्सारी, मुल्ला, मोमीन, मदारी, बंदर वाले, मन्सुरी, रैन, कुरेशी, हलालखोर, हवारी, रज्जाक इत्यादी जाती तिसर्‍या वर्गात येतात.महाराष्ट्र मध्ये मोठ्या प्रमाणात मुस्लिम पसमांदा समाज आहे व  भारतीय जनता पार्टी अल्पसंख्याक मोर्चाचे प्रदेश उपाध्यक्ष सलीम बागवान हे पसमांदा समाजामधून येतात त्यांची बागवान समाजामध्ये मोठी पकड आहे महाराष्ट्रामध्ये बागवान समाजाचे मतदान10 ते 12 लाख आहे. भारतीय जनता पार्टीने अनेक योजना मुस्लिम समाजासाठी आणलेल्या योजना तळगाळातील मुस्लिम समाजापर्यंत नेण्याचे काम सलीम बागवान व त्यांची सहकारी करणार आहेत.