Mandrup : जिल्हा परिषद, पंचायत समिती निवडणुकीसाठी काँग्रेस सज्ज

सोलापूर जिल्हा काँग्रेस कमिटीचे अध्यक्ष डॉ धवलसिंह मोहिते – पाटील यांच्या नेतृत्वाखाली गेल्या दोन दिवसापासून कासेगाव ते मंद्रुप अशा सहा जिल्हा परिषद गट आणि बारा पंचायत समिती गणासाठी निवडणुकीची रूपरेषा ठरविण्यात आली. निवडणुकीच्या दृष्ठीने काँग्रेस पक्ष सज्ज असून, बुथ रचना कशी असावी , वॉर्ड वाईस नेतृत्व कसे करावे, तसेच ग्रामपंचायत, जिल्हा परिषद, पंचायत समिती अशा स्थानिक स्वराज्य संस्थेच्या निवडणुकीत काँग्रेसचा  उमेदवार कसा निवडून येईल, याबाबत मार्गदर्शन करण्यात आले. यावेळी माजी जिल्हाध्यक्ष बाळासाहेब शेळके, कार्याध्यक्ष सुरेश हसापुरे, प्रवक्ते बसवराज बगले, अमृत चव्हाण, मोतीराम राठोड, उमाकांत रावत, श्रीशैल नरोळे, पंडित सातपुते, वसंत पाटील, सैफान शेख, रशीद शेख, रशीद पठाण, राधाकृष्ण पाटील आदी उपस्थित होते.