राम मंदिरात आरती दर्शनासाठी तत्काळ पास सुरू

अयोध्या: अयोध्येतील राम मंदिरात दर्शन पासबाबत नवीन व्यवस्था लागू करण्यात आली आहे. राम मंदिर तीर्थ क्षेत्र ट्रस्टने आता आरती दर्शनासाठी तत्काळ पास जारी करण्याची सुविधा सुरू केली आहे. यासाठी बिर्ला धर्मशाळेसमोर असलेल्या यात्री सुविधा केंद्रात स्वतंत्र काउंटर तयार करण्यात आले आहे. सध्या, तत्काळ पास मर्यादित संख्येत दिले जात आहेत, परंतु गरजेनुसार त्यांची संख्या वाढवली जाऊ शकते. त्याचबरोबर, राम दरबाराच्या दर्शनासाठी आता पासची सक्ती रद्द करण्यात आली आहे. भाविकांना कोणत्याही पासशिवाय राम दरबाराचे दर्शन घेता येणार आहे.