पुणे: पुणे-नाशिक महामार्गावर खेड तालुक्यातील वाकीजवळ आज सकाळी ६:१५ च्या सुमारास भीषण अपघात घडला. नाशिककडून आलेल्या एका कंटेनरने डिव्हायडर तोडून व
पुणे: पुणे-नाशिक महामार्गावर खेड तालुक्यातील वाकीजवळ आज सकाळी ६:१५ च्या सुमारास भीषण अपघात घडला. नाशिककडून आलेल्या एका कंटेनरने डिव्हायडर तोडून विरुद्ध दिशेला जात पुण्याच्या दिशेने येणाऱ्या ट्रकला जोरदार धडक दिली. या धडकेमुळे ट्रक खाली कोसळला आणि त्याखाली एक कार दबली गेली. अपघातात दोन्ही गाड्यांचा अक्षरशः चक्काचूर झाला आहे.
दरम्यान, अपघातामुळे कंटेनर पुणे लेनवर आल्याने पुण्याकडे येणारी वाहतूक पूर्णपणे ठप्प झाली आहे, तर नाशिककडे जाणारी वाहतूकही विस्कळीत झाली आहे. घटनेची माहिती मिळताच महामार्ग पोलीस क्रेन घेऊन घटनास्थळी दाखल झाले असून अपघातग्रस्त वाहने बाजूला काढण्याचे शर्थीचे प्रयत्न सुरू आहेत. एवढा भीषण अपघात होऊनही सुदैवाने कोणतीही जीवितहानी झाली नाही. या अपघातामुळे परिसरात मोठी खळबळ उडाली आहे.
COMMENTS