परभणीत भीषण अपघात; चार तरुणांचा जागीच मृत्यू

परभणी : परभणी-पाथरी राष्ट्रीय महामार्गावर शुक्रवारी रात्री उशिरा खाजगी बस आणि दुचाकीमध्ये झालेल्या एका भीषण अपघातात ४ तरुणांचा जागीच मृत्यू झाला आहे. मृत तरुण हे मानवतचे रहिवासी होते. या दुर्दैवी घटनेमुळे मानवत शहरावर शोककळा पसरली आहे.

खाजगी बस शुक्रवारी रात्री १०.३० च्या सुमारास परभणीहून पुण्याच्या दिशेने जात होती. या बसने परभणी-पाथरी राष्ट्रीय महामार्गावरील राहुल जिनिंगसमोर एमएच २२ बीबी ४७२४ (MH 22 BB 4724) क्रमांकाच्या दुचाकीला जोरात धडक दिली. ही धडक एवढी जोरदार होती की, यामध्ये दुचाकीवरील चारही तरुण जागीच ठार झाले.